Үштілділік – заман сұранысы.
«Өз тілін – бірлік үшін, өзге тіл –тірлік үшін» дегендей қазіргі уақытта көптілділік мәселесі біздің ел үшін ғана емес, басқа елдер алдында тұрған мәселе болып тұр. Елбасы тапсырмасы бойынша , Қазақстан Республикасында білім беруді дамытудың 2011-2020 жылдарға арналған мемлекеттік бағдарламасында, «… барша қазақстандықтар қазақ тілін, орыс тілін 95 % және 25% — ағылшын тілін меңгеруі тиіс»делінген. Үш тілді меңгеру, білу- бұл жаһанданған әлемге деген сөз.-деді ҚР Президенті Нұрсұлтан Назарбаев. Қазірдің өзінде біздің жастарымыз ағылшын тілін жақсы деңгейде меңгерді. Келешекте біздің де мектептің оқушылары үлкен жетістіктерге жетеді деген үміттеміз. Өз ана тілін, ұлтаралық қатынас тілін –орыс тілін, шет тілі- ағылшын тілін меңгерген біздің оқушыларымыз да әлемнің кез келген жұмыс істеп, күнін көре алатындығына көзіміз жетеді. «Бүгінгі күрделі әлемде бізді оқушыларымыз өздері «судағы балықтай » сезінуі керек, біз соған жағдай жасап жатырмыз»,- деді Елбасы.
Осы тапсырманы орындауда ұстаздар қауымы үлкен жұмыс атқаруда. Әр ұстаз өз сабақтарында болсын, мектепішілік іс- шара да болсын, үштілділікті дамытуда зор үлестерін қосуда. «Тіл үйрену үшін қажеттілік не мәжбүрлік емес, шынайы қызығушылық болуы маңызды.» деген А.Б.Августин. Осы нақыл сөзді оқи отырып, біздің мектептің оқушылары шынайы тіл үйренуге кіріскенднрі айдан анық екенін көріп отырмыз. Оның дәлелі 11 «А» сынып оқушысы Сарыев Рауль – азербайжан ұлтының өкілі- 2017-2018 оқу жылында қазақ тілінен қалалық олимпиададан жүлделі екінші орынға, ал биыл болса, шет елге барып, ағылшын тілінен дайындық курсынан өтті. Биылғы оқу жылында 10 «Б» Абилова Кунель және Мокотенко Александра қазақ тілі пәні бойынша қалалық олимпиададан бірінші жүлделі орындарға , облыстық кезеңнен Мокотенко Александра үшінші орынға және де 9 «В» сынып оқушылары Алыева Гюнэль мен Ли Елена қалалық кезеңде бірінші орындарды , Алыева Гюнэль облыстық кезеңде екінші орынға ие болды. Сөйтіп, мектеп мерейін көтеріп тастады. Осыдан басқа ұлт өкілдерінің мемлекеттік тілге деген қызығушылығы артты деп, ауыз толтырып айтуға болады. «Тілі бірдің –тілегі бір» дегендей мектеп ұжымының жасап жатқан істері шаш етектен.
Бала тілді неғұрлым ерте жастан үйренсе, соғұрлым ол оны жеңіл меңгереді. Сондықтан мен жұмыс жасайтын сыныптарда үштілділікті дамытуда қазақ тілі сабақтарында өз үлесімді қосып келемін. Ендеше жас ұрпақтың қазақ тіліне деген сүйіспеншілігін, өзге тілдерді оқып білуге деген қызығулары мен ұмтылыстарын арттыру арқылы олардың Отанға деген махаббаттарын оятып, өз тағдырын ел тағдырымен мәңгілікке байланыстыратын ұрпақ болып қалыптасуына қол жеткізу мақсатына өз үлесімнің бар екендігін мақтан тұтамын!
Қазақ тілі мен әдебиетінің мұғалімі Хасанова К.Ж.
