«Жаңартылған білім беру мазмұнының жағдайында мұғалімнің кәсіби шеберлігін дамыту»

2018 жылдың 1 ақпанында № 3 мектеп-гимназиясында қазақ тілі мұғалімдірінің «Жаңартылған білім беру мазмұнының жағдайында мұғалімнің кәсіби шеберлігін дамыту» атты  облыстық семинары өтті.

Семинардың мақсаты:

Білім беру бағдарламасы мазмұнының жаңаруымен қатар, критериалды бағалау жүйесін енгізу және оқытудың әдіс-тәсілдері мен әртүрлі құралдарын қолданудың тиімділігін арттыру. Оқушы тұлғасының үйлесімді қолайлы білім беру ортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АҚТ –ны қолдану. Коммуникативті қарым-қатынасқа түсу, жеке, жұппен, топта жұмыс жасай білу. Функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерді қолдану.

1, 2, 5, 7 сынып  мұғалімдері жаңартылған білім беру бағыты бойынша өз сабақтарында пайдаланатын әр түрлі әдіс-тәсілдерді көрсетіп тәжірибе алмасты.